Gwenu dan Fysiau

CWESTIWN: Sut i ddenu ymwelwyr i'ch gwefan?
ATEB: Rhowch y gair 'Torchwood' yn nheitl neu gynnwys y post

Edrychais ar fy ystadegau ddoe ac roedd 70 ymwelydd i'm blog ar gyfer y dydd (wedi codi i 96 erbyn bore yma). Y rheswm oedd bod fansite Torchwood ar LiveJournal wedi darganfod fy mhost blaenorol am Wyl Ffermwyr Ifanc. Ond doedd gan y postiwr druan ddim syniad am beth oeddwn yn siarad (profiad cyffredin i fi).
Roedd darllen y post a'r sylwadau'n ddoniol, rhai'n gallu dyfalu rhan o'r cynnwys, un arall yn defnyddio gwefan TranslationExperts.com (tydi'r ddolen ddim yn gweithio bellach gan fod cymaint wedi clicio arno) oedd ddim lot o help iddynt - cyfieithwyd teitl fy mlog i 'Smile We Are Being Fingers'.

*oes rhywun ond fi'n casau arferiad y Saeson o gyfeirio at Gymry fel Taffs/Taffys?

Y WLAD YN Y DREF’ - DathliadauCFFI Cymru

Bydd ‘Y Wlad yn dod i’r Dref’ yn ystod penwythnos cyntaf mis Tachwedd fel rhan o ddathliadau Mudiad Ffermwyr Ifanc Cymru yn 70 oed.

Mae cynlluniau ar y gweill i gynnal gŵyl tri diwrnod ‘Y Wlad yn y Dref’; bydd yn ŵyl fwyd ac yn ddathliad o gefn gwlad Cymru. Bydd yr ŵyl yn cael ei gynnal yn yr ardal tu allan i brif fynedfa Canolfan Mileniwm Cymru ym Mae Caerdydd ac fe fydd yn rhedeg o ddydd Gwener y 3ydd hyd ddydd Sul y 5ed o Dachwedd.

Bydda i'n bendant yn mynd i hwn, dwi'n rhagweld lot o stondinau bwyd. Dwi'n meddwl bydd fy nghefnder Iwan yn dod lawr gan ei fod yn rhan o grŵp cydweithredol Calon Wen ac yn weithgar iawn gyda'r mudiad Ffermwyr Ifanc. Edrychaf ymlaen hefyd i weld yr adloniant (ahem!).

Bydd hefyd perfformiadau byw gan y Sioe ‘Sheeptacular’ a ‘Meirion Owen a’r Quackpack’ yn ystod y digwyddiad. Mae’r sioe defaid yn gyfle unigryw i weld defaid ‘byw’ ar lwyfan a dewch i dystio beiddgarwch digri'r ‘Indian Runner Ducks’ yn ystod arddangosfeydd Meirion Owen gyda’i ‘Quackpack’.

ffermio amaeth bwyd caerdydd organig
Generated By Technorati Tag Generator

Mae hefyd wedi wedi adeiladu Marchnad Fenyn wedi ei selio ar un o'r Gelli Gandryll.

Gallai'm disgwyl nes dweud wrth fy nghariad am fy hobi newydd!

lego, sain ffagan, st fagan's
Generated By Technorati Tag Generator

• Mae'r un Adventures of Lego Men yn enwedig rhai gan wizzy (isod) yn ddoniol.
  

• Byddwch yn falch o glywed does dim llawer wedi cyfrannu at LEGO-pieces in body caveties!

• Diw'n licio'r pyramid (Inca?) hwn o gonfensiwn yn yr UDA.

Hmmm...hapusrwydd!

lego, castell, castle
Generated By Technorati Tag Generator

Yn India, mae ymgyrchwyr wedi bod yn defnyddio delweddau lloeren Google Earth fel tystiolaeth i brofi bod eu tiroedd yn ffrwythlon wrth ymladd yn erbyn datblygiadau, neu sirhau iawndal teilwng o leiaf.

Mewn un achos wrth gynllunio datblygu Parth Economiadd newydd o'r dir amaethyddol, honodd ardan o lywodraeth India fod mai mond canran fechan iawn o'r tir oedd yn ffrwythlon. Golygai hyn byddai ffermwyr yn derbyn llai o iawndal. Mae lluniau lloeren yn gwrthbrofi honiadau'r llywodraeth.

Mae'r map hwn yn dangos lleoliad rhai o'r achosion.

Fi sydd di trefnu hwn. Dyma'n ail gig Cymraeg ni yng Nghaerffili, mi ddaeth na ond rhyw 20-25 i'r un diwethaf, sydd ddim yn gynulleidfa anferth ond am gig cyntaf yn y sir roedd yn Ok ac hefyd roedd mewn ystafell fechan felly roedd yr awyrgylch yn dda iawn. Rhwbeth arall a'm pplesioedd oedd oed y gynulleidfa - fel arfer pobl hyn sy'n dod i ddigwyddiadau'r Fenter ond roedd mywafrif y pobl yno dan 30.

Byddai'n wych petai rhai ohonoch yn gallu dod.

cymuned, cymru, wales, pêl-droed, football, british, britain, england, english, bbc
Generated By Technorati Tag Generator

Er mwyn helpu Americanes sy'n ceisio dysgu Basgeg, mae Luistxo yn ceisio esbonio elfen gweddol gymleth (ond eto synhwyrol) o ramadeg Basgeg sef ergativity, drwy ddefnyddio esiamplau o sgets Monty Python.

It happens that, in Basque, to die and to kill are the same verb. Although there are synonims that do not coincide with both meaning, the most common form hil means both things. That's easy to explain if you speak an ergative language, because murder, at the end, is just transitive death. Or ergative death...

a) Loroa hil da - Parrot-the DIE has. The parrot's dead. More accurately, the parrot has died.

It's easy to transform the decease into a crime:

b) Loroa nik hil dut - Parrot-the I-erg.mark DIE I-have-it. I've killed the parrot.

c) Loroa John Cleesek hil du. Parrot-the John Cleese-erg.mark Die he-has-it. John Cleese has killed the parrot.

Mae Luistxo yn ei esbonio'n dda dwi'n meddwl gyda ei esiamplau, ac os chi am rhywbeth dyfnach, dyma'r erthygl Wikipedia.

Fel rhan o'i chwrs Cyfryngau a Newyddiaduraeth, mae Gwenllian Glyn wedi dechrau blog. Rhaid i fyfyrwyr cwrs Cyfle wneud yr un peth a dwi wedi bod yn darllen blogiau Cyfle Mei, Aled a Llefenni, ond roedd Mei ac Aled eisoes yn blogio os dwi'n iawn ac mae Llefenni wedi parhau i flogio wedi'r cwrs.

Mae Gwenllian yn ysgrifennu'n dda iawn (sy'n help o ystyried y cwrs!), ond dwi'n cael yr argraff nad yw hi'n or-gyfarwydd gyda blogio. Fel dwi weithiau'n gwneud pan dwi'n dod ar draws blog newydd, dwi wedi bod yn awgrymu pethau gall hi wneud i ddenu darllenwyr, fel gadael sylwadau ar flogiau eraill a rhoi dolenni oddi ar ei blog hi. Hefyd dyma fi'n ei chyfeirio at Blogiadur, BlogCymru a Welshblogs, eto er mwyn denu darllenwyr. Dwi wedi hefyd ceisio sôn am Technorati a Bloglines, ond dwi'n ymwybodol y byddai mwy na thebyg yn ymddangos fel mod i'n siarad iaith estron.

Yn y blwch sylwadau ar hen bost (allai'm cofio pa un) pan oeddwn yn bod yn or-feirniadol o flog newydd rhyw wleidydd dyma Rhodri Nwdls yn gofyn os dylai yna fod rhyw fath o gyrsiau byr ar gael i ddechrau pobl ffwrdd gyda blogio. Dwi'n meddwl bod angen/galw am y fath beth, ond pwy fyddai'n eu darparu? Mi wnaethon ni drafod rhai o'r pwyntiau uchod yn ein blog gwrdd cyntaf ond ddim mewn lot o fanylder - testun ar gyfer y nesaf efallai?.

Dwi ddim yn trio dweud bod ffordd cywir neu anghywir wrth flogio, ond mae na rai pethau sylfaenol dylid eu dilyn. Hwyrach mae trwy flogio am gyfnod y dewch i wybod beth sy'n gweithio a beth sydd ddim, ac mae pawb yn wahanol wrth gwrs

Anghofiais ei chyfeirio at y seiat Rhithfro ar maes-e sy'n cynnwys sawl edefyn defnyddiol ar gyfer pobl sy'n newydd i flogio.

Yn ddiweddar dwi wedi bod yn ceisio meddwl yn ôl i'm gwersi TG yn yr ysgol. Roeddem yn defnyddio IBM's i deipio a hen BBC's i wneud ..yrm..rhywbeth. Roedd y gwersi unai yn dda i ddim neu'n uffernol o ddiflas achos allai'm cofio dim amdanynt. Hoffwn feddwl bod y gwersi'n fwy diddorol heddiw a mwy perthnasol, a rwan gallaf wybod yn union beth sy'n cael ei astudio, diolch i flog Gwersi Cyfrifiaduro Glantaf. Y bwriad yw gadael i reini wybod beth sydd wedi cael ei astudio yn y dosbarth a dweud pryd mae'r gwaith cartref fod mewn erbyn (hefyd mae'r athro'n digwydd crybwyll bod un disgybl yn absenol o'r wers er iddo'i weld yn gynharach ar y cae chwarae - slei).

Neu ?Un diwrnod mewn hanes? fel mae'n dweud yma (pam bod pob collnod yn ymddangos fel marc cwestiwn, mae'n edrych mor hyll?)

Y synaid yw bod pawb (ym Mhrydain) yn ysgrifennu hanes diwrnod yn eu bywyd ar ffurf dyddiadur fel rhan o ymgyrch History Matters. Clywais am y peth ar y newyddion wythnos diwethaf a meddwl "Pah! dwi dim am gymeryd rhan", ond gan for Rhys wedi mynd i'r fath drafferth ag atgyfodi ei flog er mwyn pwyntio allan gelli'r postio'n Gymraeg, efallai y gwnaf gydymffurfio am unwaith.

Rhywun arall am wneud?


Diweddariad

Dwi newydd bostio fy mhost, sydd i'w weld isod. Un peth, mae rhywbeth o'i le gyda'r blwch 'tagio' oddi tano, felly os chi am ddefnyddio tagiau/allweddeiriau i gyd-fynd a'ch post, yna dim ond rhyw bedwar gair bydd yn dderbyn a does dim modd ail-deipio.

Deffrais heddiw'n hwyr eto, anghofiais gan anghofio bod y cawod ddim yn gweithio a bod rhaid cael bath. Wedi ymolchi es lawr y grisiau i gael coffi a thost i frecwast cyn mynd i'r car ar gyfer fy nhaith dyddiol o Gaerdydd i'm gwaith yn nhref Bargod. Dwi'n genfigennus iawn o Sarah'n gallu beisio i'w gwaith - yn un peth mae'n cadw'n heini ac hefyd tydi ddim yn dda i'r amgylchedd gyrru mor bell. Dwi'n poeni am yr amgylchedd.
Yn y gwaith mae e-bost yn fy nisgwyl gan Iestyn sydd newydd ymuno â phwyllgor Menter Iaith Sir Caerffili (fy nhyflogwr). Mae newydd symud i Faesycwmer ac mae perchenog y dafarn lleol 'Butchers' yn awyddus i ddefnyddio Cymraeg yn ei fusnes, ac aeth ei blant y Ysgol Cwm Rhymni. Efallai byth yn leoliad i ni gynnal digwyddiadau cymdeithasol Cymraeg yn yr ardal. Soniodd Iestyn hefyd bod rhai o hen ffrindiau ysgol a gwrddodd mewn aduniad diweddar eisiau ail-gydio yn eu Cymraeg - efallai dyma le da i ddechrau. Dwi'n sylwi 'trend' ymysg cyn-ddisgyblion ysgolin cyfun y de ddwyrain sydd eisiau ail-ddechrau siarad Cymraeg eto, sy'n arwydd da.
Ar ôl gwaith heno, efallai af i wylio Caerdydd yn erbyn Southampton ym Mharc Ninian. Mae Caerdydd ar frig y Pencampwriaeth am y ro cyntaf ers degawdau. Fel sawl gogleddwr sydd dwi'n gefnogwr Wrecsam, ond mae Sarah yn hoffi Caerdydd ac mae nhw wedi bod yn chwarae pêl-droed atyniadol yn ddiweddar. Wedi sylwi o'm ystadegau bod yr AS Llafur Leighton Andrews wedi rhoi dolen at fy mlog 'Gwenu dan Fysiau' o'i flog ef ddoe wrth iddo grybwyll Blogio a Blogio'n Gymraeg.

Cachu, newydd ei ail-ddarllen a sylwi ar yr holl wallau sillafu.

Cafodd pedwar aelod o Gymdeithas yr Iaith eu harestio dydd Sadwrn yn Aberystwyth, wedi protest ar barc manwerthu newydd yn y dref ble mae sawl siop newydd wedi agor gyda dim Cymraeg o gwbwl.
Manylion ar wefan y Gymdeithas
Mwy o luniau ar Flickr yma a llwyth o rai da yma

Ydych chi'n gorfod rhoi cyflwyniadau sleid weithiau? Yn ffodus i mi, dwi ddim yn gorfod gwneud yn aml, ond os hoffech rannu eich cyflwyniad gyda chynulleidfa eang mae SlideShare yn cynnig gwasanaeth sy'n cyfuno PowerPoint (neu Open Office Impress) gyda You Tube. Mae modd plannu (embed) eich cyflwyniad ar eich blog neu wefan, fel dwi wedi gwneud isod gyda chyflwyniad roddais mewn Brecwast Busnes rhai blynyddoedd yn ôl.

Yn ôl eu blog, tydi'r wefan ond wedi bodoli ers echdoe ac mae'n rhaid unai cael gwahaoddiad gan ddefnyddiwr arall neu ofyn i SlideShare am wahaoddiad. Dyna wnes i a cefais wahoddiad yn syth ganddynt.

web2.0, slideshare, technoleg
Generated By Technorati Tag Generator

Mae Radio Amgen yn dathlu ei benblwydd yn 5 oed. Dyma engrhaifft wych o ddefnydd effeithiol o dechnoleg i gael diwylliant amgen Cymraeg at gynulleidfa byd eang. Islaw mae llun 'clawr' i gyd-fynd âg darllediad wythnosol. Roeddwn i'n ffan anferth o Lego tra'n blentyn felly dwi'n hoff iawn o'r llun yma.

Mae'r llun wedi ei gynnal ar wefan Zooomr. Dwi wedi creu cyfrif arno ar ôl darllen post ar Sbwriel*spot. Dwi eisioes yn defnyddio Flickr ac yn meddwl ei fod yn wasaneth gych, ond hoffwn weld beth all Zooomr gynnig am ddau reswm:

1. Yahoo, sy'n berchen ar Flickr, a dwi'n teimlo'n rhagrithiol yn talu £12 y flwyddyn iddyn nhw wedi iddynt roi manylion personol i awdurdodau Tseina, tra dwi'n annog eraill i foicotio Nestle

2. Mae Zooomr yn awyddus iawn i leoleiddio eu gwefan, felly gall fod ar gael yn Gymraeg. Dwi'n fodlon cyfieithu'r wefan (gyda help eraill efallai?)

Fel abwyd arbennig, mae Zooomr yn cynnig cyfrif Pro am ddim i flogwyr am flwyddyn.

lluniau, lleoleiddio, localization, zooomr, flickr, yahoo, radioamgen, radio amgen, cymraeg, welsh
Generated By Technorati Tag Generator