Gwenu dan Fysiau

Oeddech chi'n ffan? Dwi heb gael cyfle i chwarae gyda Lego ers deng mlynedd mae'n siwr, pan fyddwn yn ymweld â'm cefnder iau. Mae Guto ar ganol cwrs mil-feddyg yn y brifysgol rwan felly does dim esgus gyda fi i chwarae Lego. Ond oes angen esgus arnai?

Ar silff ben tân tŷ ffrindiau buom yn ymweld â'n ddiweddar roedd y car a'r carafn uchod. Doedd o ddim ar y silff pen tân yn hir! Roedd Russ wedi dod o hyd i sawl set yn atig tŷ ei nain, (ble mae o a'i wraig Sarah'n byw rwan) ac aeth a phob un ond yr un yma i'w ysgol ble mae'n dysgu.

Thema castell oedd orau gyda fi, ond roedd rhywun wedi prynnu'r set car a charagfan i fi, felly tynnais y llun uchod gyda'r gobaith o'i ail-adeiladu tro nesaf af i weld fy rhieni. Wedi llwytho'r llun ar Flickr, dyma fi'n chwilio am Grwpiau Lego ar Flickr. Fel y gwelwch mae digonedd:

Fel soniais yng nghynt y thema Castell oedd orau gyda fi, ac un 'dolig cefais i Black Falcon's Fortress (Rhif 6074) gan Siôn Corn. Os hoffech chi weld lluniau o hen setiau gan gynnwys cyfarwyddiadau adeiladu ewch i The Brickfactory. Mae yna hyd yn oed dudalen Wikipedia ar gestyll Lego, gyda ymysg pethau eraill, dolen at fansite Classic Castle sydd eto gyda lluniau o gestyll anhygoel a hefyd adran o'r enw The Classic Castle City Standard, sef cyfarwyddiadau ar sut i gyfrannu at adeiladu dinas canoloesol ar raddfa fawr - gwych.