Gwenu dan Fysiau

Cefais benwythnos llawn cerddoriaeth. Neithwr bues i'r Coed Duon i weld Euros Childs, oedd yn ardderchog fel arfer ac yn ei gefnogi oedd y Threatmantics, band nad oeddwn wedi clywed yn fyw o'r blaen ond oedd yn wych - dwi'n edrych ymlaen i'w gweld eto.
Ar y nos sadwrn es i Glwb y Bont, yn bennaf er mwyn osgoi bod yn y tŷ pan fyddai Sarah a'i ffrindiau'n dychwelyd o'i 'Noson Iâr' (oes gair Cymraeg am Hen Night?). Dwi'n falch iawn i mi fynd, nid er mayn osgoi ffrindiau Sara (jôc oedd hynny!), ond oherwydd i mi weld perfformiad anhygoel o gerddoriaeth traddodiadol Cymraeg. Ar nôs Fercher olaf pob mis mae Clwb Gwerin yn cael ei gynnal yng Nghlwb y Bont ble mae cerddorion lleol yn cwrdd i ymarfer a pherfformio. Roedd nôs Sadwrn yn rhyw fath o showcase. Derbyniais e-bost gyda'r leinyp:

Cyn mynd, roeddwn yn edrych ymalen fwyaf i weld pwy ddiawl oedd Ianto Ffullpelt - am enw gwych! Roedd yn gawr o ddyn yn ei 50 hwyr/60 cynnar gyda llond pen o wallt arain wedi'w blethu lawr ei gefn, ac yn chwarae caneuon gwreiddiol gwladgarol (yn gwyro ychydig at y sentimental) ond roedd yn dda. Ennillais ei CD yn y raffl :-)
Uchafbwynt y noson oedd Bethan Nia (telyn Celtaidd) a Helina Rees (ffidil). Dwi'n meddwl mai mond yn ddiweddar mae nhw wedi dechrau chwarae a'u gilydd ond roedd y swn yn wych. Dwi'n bendant yn mynd i'w gwahodd i berfformio yng Nghaerffili. Doeddwn heb glywed amdanynt o'r blaen, ond mae nhw ganwaith gwell na lot o berfformwyr traddodiadol Cymraeg eraill dwi di glywed. Gallwch glywed rhai o ganweon o EP Bethan yma (tydi nhw ddim cwet cystal a'i chlywed yn fyw gyda Helina). Dwi'n meddwl eu bod yn recordio albwm gyda'i gilydd yn fuan. Heb os, nhw oedd ffefryn y gynulleidfa.
Band ola'r noson oedd Pendragon. Roedden nhw'n dda iawn hefyd yn chwarae caneuon 'tafarn' Gwyddelig ac un neu ddau gwreiddiol dwi'n credu on mewn arddull Gwyddelig. Tra gwnes i eu mwynhau, gwnaeth i mi feddwl fel bod cymaint o bobl yng Nghymru (a gweddill y byd o ran hynny) wrth eu boddau â cherddoriaeth o'r Iwerddon, ond ychydig iawn sy'n gyfarwydd a, ac yn chwarae cerddoireth Cymraeg. Gall fod yn rhywbeth i wneud â'r iaith, ond hyd y gwyddwn i does dim caneuon 'yfed' Cymreig wedi eu cyfansoddi'n Saeseng fel sydd yna yn Iwerddon.

Mae yna sawl gwefan ble gallwch ddanogs ble yn y byd rydych wedi ymweld â. Ond weithiau rydych ond wedi bod i un dinas ac mae cyfandir cyfan yn cael ei oleuo. Faint o bobl sy'n ymweld â llefydd ym Mhrydain sgwn i? O fyw yn ne Cymru, dwi'n sylwi nad yw pobl yma ar y cyfan yn teithio ymhell o'u cartrefi, mond lawr i Gaerdydd i siopa, ac efallai i ddal awyren i Sbaen. Stereoteipio ofnadwy yw hyn wrth gwrs, ond dwi'n meddwl ei fod yn wir am fwyafrif llethol o'r boblogaeth. Dyma lefydd dwi di bod iddynt yng Nghymru, Lloegr a'r Alban.

I've visited the counties in yellow. Which counties have you visited? made by marnanel map reproduced from Ordnance Survey map data by permission of the Ordnance Survey. © Crown copyright 2001.

Blog for Yogi yw blog yn dilyn hanes Dilwyn Morgan wrth iddo feicio o Land’s End i John O’Groats i godi arian ar gyfer ei ffrind Yogi (Bryan Davies) a gafodd ei barlysu'n ddiweddar yn chwarae rygbi. Hwn yw'r blog Cymraeg cyntaf ar icWales hefyd dwi'n meddwl.

Cafodd fy ffrind Darren Lewis o Benmaen, ger Coed Duon ei dderbyn i Gorseth Kernow ar y penwythnos. Bu hyn oherwydd iddo gwbwlhau arholiadau wrth astudio'r iaith Gernyweg. Yn ôl y wefan, ei enw barddol yw Dres an Goskeusgoes - (Tu draw i'r Coedwig Cysgodiog?).

Ar Datblogu mae Daniel yn trafod canlyniadau holiadur [PDF] a gynhaliwyd ar stondin CMC yn ystod yr Eisteddfod eleni. Roedd un o'r cwestiynnau'n gofyn os yw pobl yn darllen y tudalennau Cymraeg ar safleodd dwyieithog. Dyma'r ymatebion:

66% Pob tro
22% Weithiau
13% Dibynnu ar y darpariaeth
0% Byth

(newydd sylwi mae hyn yn adio i 101%!)

Ddoe dois ar draws gwefan I'm a Councillor (get me out of here), prosiect i addysgu plant am y broses ddemocrataidd. Byddai Dafydd yn cael ffit. I ddechrau mae'r cyrchu'n sâl, nid yw pob tudalen ar gael yn Gymraeg, ond safon y Gymraeg sy'n ddychrynllyd. Beth sy'n ei wneud yn waeth yw'r gwallau iaith, yn enwedig o ystyried ei fod wedi ei anelu at ddisgyblion ysgol.

Mewnlofnodi yng Nghymraeg

Diolch am ymweld! Yn anffodus, mae Rwy’n Cynghorydd wedi gorffen am 2006. Diolch I bawb a wnaeth cymrud rhan am gwneud hyn ein flwyddyn mwyaf llwyddianus erioed. Gobeithio wnaeth chi mwynhau yn cystal a ni!

Mae cyfarwyddiadau i athrawon yn Saesneg yn unig, ac yn waeth na hynny does dim adnoddau fel posteri, offer pleidleisio ayyb ar gael yn Gymraeg. Ffordd da o wneud plant i ddod i arfer a chael gwasaneth eilradd yn Gymraeg wrth ddelio â'g awdurdodau lleol yng Nghymru.
Yn yr un modd dwi'n cael fy siomi wrth ymweld âg ysgolion ar brosiectau busnes drwy gynllun Menter yr Ifanc a darganfod eto mai yn Saesneg yn unig mae popeth, eto yn atgyfnerthu'r neges mai saeseng yw iaith busnes.

Wedi prynnu lot o docynnau heddiw, yn gyntaf ar gyfer gig Euros Childs yn Coed Duon ar y 23ain o'r mis (mae hefyd yn chwarae yn Aberteifi a Blaenau Ffestiniog yn ogystall a sawl lle yn Lloegr, un yn Glasgow ac ambell leoliad yn Ffrainc, Sbaen a'r Eidal).

Dwi hefyd wedi prynnu tocynnau i weld y NoFit State Circus tu allan i Ganolfan y Milenium ar nôs Sul. Oes rhywun wedi gweld yr rhain, mae nhw fod yn wych? Pan es i Seland Newydd gyda Sarah, fe brynodd ei brawd docynnau i mi a Sarah fynd i weld Cirque Du Soleil yn Auckland ac roedd yn anhygoel.

Oes rhywun yn gwylio'r rhaglen Dumped ar Channel 4? Dwi wedi ei wylio am y 3 noson diwethaf, er i'r rhaglen gyntaf fynd ar fy nerfau gan dreulio hanner y rhaglen awr yn ail-adrodd eu taith bws i'r blydi domen. Yn amlwg roedd llawer o'r grŵp yn meddwl eu bod yn mynd i ryw leoliad egsotig dramor.

Dwi'n dal ddim yn siwr o'r rhaglen, yn un peth mae lot fawr o bobl ar draws y byd yn unai byw ar domeni sbwriel, a mwy fyth yn byw oddi ar sbwriel pobl eraill. Ond nid yw'n gyffredin yn y byd datblygiedig, ac hefyd mae'r math a graddfa'r sbwriel rydym ni'n ei daflu yn wahanol debyg.

Mae Sarah'n tynny fy nghoes yn dweud mai Big Brother ydi o mewn lleoliad gwahanol, ond er i ambell idiot fod ar y rhaglen ac yno am yr arian, mae'r synaiad yn un reit diddordol. Dwi'n aml yn meddwl am y dyfodol (agos) ble bydd rhaid i ni feddwl eto am ei patrymau treulio. Gallwn ni ddim dal ymlaen i greu pethau o blastig a metel am byth, bydd y deunyddiau crai yn dod i ben neu'n anoddach i'w cael gyda galw uwch amdanynt. Bydd yn rhaid i ni felly ail-ddefnyddio pethau sydd gennym yn hytrach na eu taflu, ac hefyd gan y bydd ein hen sbwriel dal o gwmpas bydd rhaid i ni wynebu ymdrin â hwnnw hefyd rhwysut.

Dwi dal ychydig yn amheus o sut y bu i gymaint o bolion haearn a tarpolin wneud eu ffordd i'r domen pan oeddynt yn gorffod codi cysgod iddynt eu hunain ar y diwrnod cyntaf! Hefyd, ydi'r cynhyrchwyr yn poeni am yr amgylchedd neu'n trio creu rhaglen reality arall allan o bobl mewn sefyllfa anffodus (allwn i ddim meddwl am lefydd lawer gwaeth i fyw)?

Mae yna lot o bobl yn y sylwadau i'r erthygl Guardian uchod yn beriniadu'r sioe, ond mae nhw'n cyflwyno llawer o ystadegau digon brawychus am lefelau sbwriel mewn modd gweledol effeithiol. Efallai ei fod ychydig yn dumbed down, ond does dim gair gwell na dumb i ddisgrifio ein hagweddau ni i'r broblem sbwriel.


Gol.
Wel y diawled, sioe oedd y cwbwl yn ôl yr erthygl C4's reality rubbish dump show is exposed as a fake yn y Mail on Sunday (dwi ddim yn ei ddarllen ,wir!)

Programme-makers havev admitted that the programme was filmed on a specially created tip and that contestants were given generous food rations.

In the pre-recorded series, which will be broadcast from Sunday, one contestant even asks for food rations to be cut because the challenge is too easy.

Another has since admitted that she put on weight while taking part.

Producers of the show, dubbed Stig Brother - after the children's book Stig of the Dump - have also revealed that the "dump" was actually purpose-built 100 yards from a real landfill site and that some of the refuse on it had been sourced from other tips.

Channel 4 said that it would have been too dangerous for the contestants to live on the main landfill dump because hazardous gases and waste could have killed them.

Newydd sylwi nad ydw i wedi blogio am Wobrau Blogio Cymru. Mae Sanddef wedi trefnu cystadleuaeth ble mae pobl yn gallu pleidleisio am eu hoff blogiau Cymreig. Dwi ddim yn ffan mawr o wobrau ag ati, ond yn sicr mae'n gyfle i gyflwyno pobl i flogiau gwahanol. Dwi'n meddwl bod croeso i unrhywun bleidleiso (neu efallai rhaid i fod yn flogiwr), ac os ydych yn pleidleisio, rhaid rhoi pleidlais i bob categori. Mae'r pleidleisio'n cau dydd Sadwrn 8fed o Fedi.

Mae Dewi'n gwneud hyn yn rhannol er mwyn hyrwyddo cwmni ei hun wrth gwrs, ond hefyd mae'n credu bod modd i'r peth weithio ac efallai talu am ei hun yn y dyfodol. Un mantais gwefan o'r fath yw rhannu cost hysbysebu. Er nad oes rhaid i neb dalu i gael eu cynnwys ar hwn, petai Dewi'n gofyn am £5-£10 y pen, am flwyddyn a bod 100-200 cwmni arno, yna dyna i chi gyllid hysbysebu sylweddol iawn, ac yn lle bod un cwmni'n talu lot am un hysbyseb, byddai cael hysbyseb rheoliadd i'r cyfeiriadur (ar wefannau eraill neu mewn print) yn fwy buddiol.

Fe ddechreuwyd rhywbeth tebyg rhai blynyddoedd yn ôl or enw cwlwmbusnes.com, ond cafodd ei adael unwaith rhedodd y grantiau allan ac er yr holl waith da a aeth i gasglu manylion cwmniau, ni farchnatwyd y wefan o gwbwl. Dyma yw gwendid dibynnu ar y sector gyhoeddus ac chymorthdaliadu, does dim dilyniant.

Gallwch helpu hyrwyddo'r cyfeiriadur trwy flogio amdano, neu efallai byddechyn fodlon gosod y botwm isod (côd yma) ar eich blog neu wefan? Gwell fyth, os ydych yn ddyluniwr dawnus, beth am gynnig dylunio logo deiniadol i'r wefan

Pan feddyliais am y syniad o gyfeiriadur am y tro cyntaf, bues yn edrych am rai engrhiefftiau. Dyma rai yr hoffais:

The Dons Directory - Fy ffefryn, gan gefnogwyr AFC Wimbeldon
Cymuned - Rhestr cwmniau mae'r cyhoedd wedi awgrymmu i'r mudiad
TheAddCloud - Syniad gwych ond llawn sbwriel

Weithiau dwi'n gadael sylw ar flog, a hoffwn wybod os bu ymateb i'r sylw. Yn hyrach na mynd nol ac ymlaen i'r blog, mae ambell flog yn cynnig porthiant RSS i sylwadau'r cofnod arbennig hwnnw, neu holl sylwadau'r blog. (Dwi wedi tanysgrifio i borthiant cofnodion a sylwadau Datblogu er engrhaiff - sydd wedi newid URL ei borthiant gyda llaw).

Yn anffodus tydi Blogger ddim yn cynnig yr opsiwn yma, ac hefyd efallai nad ydych eisiau gwybod am pob sylw sy'n cael ei adael ar flog cyfan.

Mae sawl trafodaeth am 'dranc y blogiau Cymraeg' wedi bod ar maes-e, mae'r un Blogiau Cymraeg - Blogging a Dead Horse? yn trafodaeth da. Yn ddiweddar postiodd Alwyn (sy hefyd yn cadw blog Saesneg) am ei rwystredigaeth bod cynllied yn darllen ac yn gadael sylwadau ar ei flog Cymraeg o gymharu â'i flog Saesneg. Dywed mai mond rhyw 20 sy'n ymweld â'i flog Cymraeg yn ddyddiol a bod 200 yn ymweld â'r un Saesneg. Awgrymai Alwyn dylid gwneud rhywbeth tebyg i Blogpower, ble mae pob aelod yn 'gaddo':

Darllen blogiau eu cyd aelodau pob dydd

Postio sylw er cynnal trafodaeth

Cyd lincio i flogiau'r aelodau eraill.

Traws ymateb mewn pyst

Rhaid mi ddweud, dwi'n ceisio gwneud yr uchod beth bynnag, ond yn y pen draw dwi ond am adael sylw a chyfeirio ar gofnod rhywun arall ar y blog yma os ydi'r cynnwys o ddiddordeb i mi. Yn y sylwadau mae Aran (sydd newydd ddechrau blog o'r enw Mwypwy) yn codi'r pwynt bod y Blogiadur yn cael tua 300 o ymwelwyr pob dydd, felly mewn gwirionedd mae llawer mwy yn darllen cofnodion ar flogiau Cymraeg, ond efallai ddim yn ymweld a nhw'n uniongyrchol. Er mwyn codi calon y blogwyr Cymraeg, dyma graff yn dangos faint o bobl ymwelodd â'r Blogiadur ar gyfartaledd pob dydd yn y misoedd diwethaf: