Gwenu dan Fysiau

Ansicrwydd: blog newydd prysur gan flogiwr sy'n byw yn Lloegr ac ond wedi ymweld â Chymru unwaith. (Licio'r tagline: 'Arteithio'r iaith ers 2005...rwan yn gyhoeddus')

Corddi'r Dyfroedd: blog rantio Huw Waters ble mae'n dweud ei ddweud ar beth sy'n bod gyda phawb a phopeth - dyma beth gafodd blogiau eu creu ar eu cyfer. GO HUW!

Dwi Eisiau Bod Yn Americanwr: Blog wedi ei ysbrydoli gan Dwi eisiau bod yn Gymro, ond mae'r awdur eisiau symud i'r cyfeiriad arall. Ar y dechrau meddyliais mai rhyw fath o spoof o flog Chris oedd am fod, ond mae'r awdur wedi syrffedu ar dywydd a phrisiau tai Cymru/Prydain, a'r ffaith bod i rhywun gyfiawnhau siarad Cymraeg yng Nghymru'n feunyddiol.

Siwtces Taid: Dyma un difyr, sef blog gan Alan, sy'n ceisio darganfod mwy am hanes teulu ei daid drwy ddefnyddio cynnwys hen siwtces ei daid.

Wythnos yma, mae yna gyfres o ragelnni ar Radio Cymru yn dathlu 50 mlynedd ers cyhoeddi nofel 'Wythnos yng Nghymru Fydd' gan Islwyn Ffowc Elis.

Dyma oedd nofel ffug wyddonol cyntaf yn yr iaith Gymraeg. Ynddo mae dyn ifanc o Gymru'r 1950'au yn teithio i'r dyfodol (2033?) ac yn cyrraedd Cymru rydd delfrydol ac mae'n disgyn mewn cariad. Ar ôl mynd nôl i'r presenol roedd yn benderfynol o fynd yn ôl i'r dyfodol eto i fod gyda'i gariad, ond does dim gwarant mai i'r un dyfodol y bydd yn cyrraedd.

Neithiwr fe ddarllenwyd y cyntaf o bedwar darlleniad o addasiad radio or nofel.
Fel holwyd 400 o bobl ar draws Cymru i weld beth fydd Cymru fel mewn 50 mlynedd arall.

Er mai nofelydd oedd Islwyn Ffowc Elis, roedd pwrpas arall i'r llyfr, sef propoganda ar gyfer Plaid Cymru i geisio cael y Cymry i ddefro i'r posibiliadau o hunan lywodraeth ac annibyniaeth yn y pen draw. Dwi wrthi'n darllen Gwynfor: Rhag pob brad ar hyn o bryd, a dwi wedi cyrraedd y 50'au cynnar pan mae ymgyrch Senedd i Gymru'n cael ei lawnsio, sy'n amserol iawn i mi felly.

Ond nid y syniadaeth wleidyddol yn unig sy'n ddiddorol yn y nofel, roedd gan Islwyn Ffowc Elis syniadau a gweledigaeth rhyfeddol yn ymwneud a thechnoleg; yn y darllenaid neithiwr roedd sôn am under floor heating, ac o be dwi'n cofio o ddarllen y nofel fy hun, roedd bwytai posh yn Nghaerdydd yn gwerhu bwydydd Cymrieg tradodiadol a doedd pobl ddim yn prynnu papurau newydd rhagor gan fod modd darllen y newyddion ar sgrîn yn y cartref!

Dwi heb ei orffen ei goginio eto, ond meddwl bod y blog yma ac ambell flog Cymraeg yn dawel, felly...

Cynhwysion:
Lluniau Sain Ffagan o Flickr*
Eitemau Sain Ffagan o Casglu'r Tlysau
Ambell ddolen o wefan swyddogol Sain Ffagan
Manylion o wefan BBC South East


Cyfarwyddiadau:
Rhowch yn y popty (Tagzania) am 5 munud, a'i dagio gyda sainffagan ac hefyd y flwyddyn adeiladwyd, nes bod llun a dolen at wybodaeth am bob adeilad ar safle'r amgueddfa. [mwy o fanylion]

Dwi heb fod yn diweddaru'r blog yn ddiweddar, ond os ydych wedi bod yn picio draw yma pob hyn a hyn ar yr off chance (chi rili angen tanysgrifio i wasanaeth darllen porthiant fel Bloglines), efallai eich bod wedi sylwi ar y dolenni newydd yn y golofn dde o dan y teitl 'Rhy ddiog/prysur i bostio am'. Beth ydi hwn yw gwefannau dwi wedi eu nodi ar fy nghyfrif del.icio.us ac wedi eu tagio gyda'r tag 'diogblog'.

Dwi ond wedi dechrau defynyddio del.icio.us yn ddiweddar, doeddwn ddim yn siwr beth oedd o'n dda i'n iawn nes i mi agor cyfrif fy hun. Yn syml mae'n ffordd dda o gadw 'nodau tudalen (bookmarks) i wefannau diddorol mewn un lle, sy'n fanteisiol iawn os ydych yn gweithio ar fwy nag un cyfrifiadur. Hefyd os ydych yn arbed nodau ar eich porwr, mae bron yn amhosib dod o hyd i rai pan rydych wedi arbed nifer fawr ohonynt. Gyda del.icio.us, rydych yn gallu tagio pob dolen, sydd run fath a'u categoreiddio. Mae del.icio.us yn rhywbeth sy'n cael ei alw'n social bookmarking, dyma ddifiniad Wikipedia:

With the advent of social bookmarking, shared bookmarks have become a means for users sharing similar interests to pool web resources, or to store their bookmarks in such a way that they are not tied to one specific computer or browser. Web-based bookmarking services let users save bookmarks on a remote web server, accessible from anywhere. Examples include del.icio.us , Google bookmarks , Yahoo Bookmarks and Windows Live Favorites.