Gwenu dan Fysiau

Ar y blog Hint of Sarcasm mae dolen at olygfeydd o Gaerdydd o'r awyr trwy Virtual Earth. Dwi wrth fy modd gyda pethau fel hyn. Lwcus cafodd ei dynnu o'r ddiwrnod cymylog, neu byddai llun ohona i'n torheulo'n borcyn yn fy ngardd (yn y llun ar y chwith).

Dwi'n aml yn diawlio fod pobl yn poeni cyn-lleied am wledyddiaeth, ond yn ystod y flwyddyn diwethaf mae trigolion Treganna fel petai nhw wedi eu radicaleiddio. Mae refferendwm tyngedfenol ar y gorwel (wel, yfory i fod yn fanwl gywir). Na, nid sôn am annibyniaeth i Gymru mae nhw, nac ychwaith a ddylai Prif Weninidog Prydain gael ei erlyn am ddweud celwydd i'n arwain at ryfel anghyfiawn yn Irac - on drhywbeth llawer pwysicach sef 'parcio'. Mae'r cyngor (sy'n cael ei redeg gan y Dem Rhydd, nd sydd heb fwyafrif) wedi cynnig Parthau Parcio Rheoledig mewn sawl man yn y ddinas gan gynnwys Treganna.

Heol y Bontfaen Dwyreiniol (Cowbridge Rd East) yw stryd fawr Treganna, a dyma'r ail ganolfan siopa lleol fwyaf yn y ddinas ar ôl ardal Heol Albany/Heol y Plwca (Albany/City Rd) yn y Rhath. Dyma hefyd yw prif ffordd mewn i ganol y ddinas o'r gorllewin. Y gŵyn yw bod dim lle i barcio a bod pobl yn parcio ar y strydoedd a bod siopwyr a gweithwyr yn parcio yn y strydoedd cyfagos. Y ddadl yw os byddai rheolaeth parcio ar y strydoedd yma'n unig yna byddai pobl wedyn yn parcio ym mannau eraill yn Nhreganna i osgoi talu.

Yn bersonol dwi'n erbyn y syniad gan y bydd yn ei wneud yn anodd i mi barcio o flaen fy nhŷ - a bydd rhaid imi dalu am y fraint mae'n debyg. Gall hyn fod yn safbwynt hunanol, gan mai prif bwrpas y cynllun yn ôl y cyngor yw ei wenud yn haws i siopa a bod bysiau yn gallu teithio'n gynt. Mae llawer yn amau eu hargymhellion ac hefyd yn poeni bydd pethau'n waeth yn hytrach na gwell. Bu ymgynghoriad cyhoeddus ble honnwyd gan y cyngor bod y mwyafrif o drigolion o blaid y cynllun, ond dwi'n amau hyn yn fawr gan fod posteri yn ei wrthwynebu ym mhob siop a mwyafrif o dai.

Oherwydd yr holl gwrthwynebiad, mae yna refferndwm am fod.

Os rhywbeth, mae dulliau'r cyngor o gyflwyno a hyrwyddo'r cynllun wedi codi gwrychyn y gwrthwynebwyr yn fwy na chynnwys y cynllun ei hun.

Ar y stryd dydd Sadwrn roedd sawl person yn codi ymwybyddaieth am y refferendwm ac yn ceisio annog pobl i bleidleisio na. Es i siarad ag un am y refferndwm. Dwedodd y ddynes bod rhaid i'r cyngor fod yn ofalus (wel yr aelodau etholedig beth bynnag) gan bod etholiadau lleol ddim yn bell, a hanner ffordd drwy'r sgwrs dyma'r ddynes yn dweud:
"You're really Welsh aren't you?"
"How do you mean?" meddai fi "We're all Welsh aren't we?" Gan wybod yn iawn fod hi'n cyfeirio at fy acen a mod i'n siaradwr Cymraeg.
"No, you're Welsh Welsh. I never though I'd go that way, but the Plaid Cymru people have been really helpfull. Labour haven't been any help- they don't want to know" (Llafur yw'r tri cynghorydd ar gyfer ward Treganna).
Dwi digwydd bod yn bleidleisiwr Plaid Cymru, mond achos dwi ddim yn Unoliaethwr, ond o'r diwedd mae'n edrych fel bod y blaid wedi gwneud rhywbeth yn iawn ac y gallant elwa ohono!

Rhywbeth arall doniol am yr ymgyrch yw y daeth 5 taflen trwy'r post ddoe; 3 yn dweud 'Na' a 2 yn dweud 'Ie'
Na:

Difyr.

Newydd gael sioc wrth ddarllen straeon diweddaraf o wefan newyddion y BBC. Cliciais ar y teitl rhyfedd, Lluniau potel i chwilio am ddêt, a gweld llun Iwan fy nghefnder yn hwrio ei hun ar ochr poteli llefrith.

Dwi'n ceisio cysuro fy hun mai mond gwneud hyn i hyrwyddo cwmni cydweithredol Calon Wen y mae Iwan, gan ei fod yn gyfarwyddwr arno. Er, mae Iwan yn digwydd bod yn sengl ar hyn o bryd ac yn uffern o foi, felly os ydych yn ferch ac yn Ffansio Ffarmwr, byddwch yn wallgo i beidio ag ymweld â pishyn.com.

*nid llun Iwan sydd ar y poteli yn y llun, ond fo sy'n dal y botel yn erthygl y BBC.

Ar hyn o bryd mae rhaglen deledu Resoration yn dilyn Griff Rhys Jones wrht iddo adnewyddu hen dy fferm yn dŷ hâf. Tydw i heb wylio'r rhaglen, a dwi ddim am feiriandu'r syniad gan fod yr adeilad yn wag ac yn fyrddyn, a'r gobaith yw ei osod drwy gydol y flwyddyn (nid bod hynny'n ei wneu yn iawn), ond dyma'n fy atgoffa o erthygl nawddoglyd a ysgrifennwyd am y prosiect yn y Guraniad dros y nadolig gan yr awdur Niall Griffiths. Dyma'r baragraff a'm gwilltiodd:

He’s rediscovered his Welshness, now that it’s no longer widely seen as shameful to hail from that country, and his keen participation in the Trehilyn project is seen by some as disingenuous and smacking of self-redress.

Ers pryd fuodd hi'n gywilydd dod o Gymru? Os dwi'n cofio'n iawn, Sais yw Niall Griffiths sydd wedi ymgartrefu yng Nghymru ac mae wedi ysgrifennu sawl nofel ffuglen am fywyd yng Nghymru. A'i ni'r Cymru oedd fod i deimlo cywilydd, neu a'i pobl o'r tu allan oedd yn ein ystyried yn gywilyddus?

Gyda rhifyn diweddar o'r Guraniad roedd atodiad o'r enw Free Stuff Guide 2007. Mae'n lyfryn 80 tudalen yn llawn awgrymiadau am bethau am ddim, o fwyd, gwyliau, dillad, offer tu ac hefyd meddalwedd a gwefannau. Roeddwn wedi clywed am Gmail, OpenOffice ayyb, ond roedd sawl un arall yno oedd yn gwbwl newydd i mi - werth ei ddarllen.

Daeth ffrind i ni draw dros dolig gyda thamaid o Twix, ond nid un arferol oedd o, ond un anferth oedd hi a'i nith wedi bod yn greu ar gyfer y wefan Pimp that Snack!. Tydi'r i ddim i'w weld ar-lein eto, ond rhaid edmygu brwdfrydedd a'r ymdrech mae bobl yn roi mewn i'r peth. Fy ffefrynnau i yw'r Tyrannosaurus Toffee Crisp a'r Retro Wagon Wheel.

Mae rhai lluniau ar Flickr hefyd.

bwyd, doniolwch, web2.0
Generated By Technorati Tag Generator