Gwenu dan Fysiau

Cefais voucher tanysgrifiad tri mis am ddim i wasaneth LOVEFilm llynedd a dim ond rwan dwi'n cymeryd mantais ohono. Dwi ddim yn siwr os byddaf eisiau talu am y gwasaneth achos dwi ddim yn gwylio ffilmau mor reolaidd a hynny ac mae gan lyfrgell canolog y brifysgol ble mae fy ngwraig yn gweithio ddewis da iawn o ffilmiau safonnol sydd i'w benthyg am ddim. Hefyd dwi ddim yn hoffi'r syniad o orfod archebu o flaen llaw, i fi mae lllogi ffilm yn rhywbeth byddwn yn penderfynnu wneud ar y diwrnod/noson, ond yn anffodus fe gaeodd yr unig le rhentu ffilmiau yn Treganna, sef Choices (yn bennaf diolch i wasanethau fel LOVEfilm!) felly does dim lot o ddewis gyda fi.

Y broblem yw, i fywiogi eich cyfrif, rhaid dewis 10 ffilm hoffech weld, er mwyn i'r cwmni allu gwneud yn siwr bod nhw'n gallu danfon ffilm rydych ei eisiau atoch yn syth, sy'n gwneud sens. Y peth yw, cael a chael oedd hi i Sarah a finnau feddwl am ddeg ffilm roeddwn eisiau ei weld. Dyma ni'n chwilio am rai roeddem wedi eu mwynhau yn y gorffenol a chlicio ar 'Similar films', ond tydi hyn ddim yn rhoi canlyniadau defnyddiol pob tro. Dyma ni hefyd yn edrych ar Amazon i weld pa ffilmiau tebyg oedd pobl yn brynnu, ond eto gall rhain fod reit random.

All unrhyw un awgrymu ffilm neu ddau da i mi? Dwi'n hoff iawn o ffilmiau tramor a ddim yn ffan o rai Americaniadd cawslyd (plis peidiwch awgrymu Shawshank Redemption neu Lost in Translation!), er dwi yn hoffi ffilmiau Kevin Smith ac yn ddiweddar gwelais The Big Lebowski am y tro cyntaf a meddwl ei fod yn grêt. Mae hyn yn swnio braidd yn gwl, ond dwi gyda meddwl reit agored am ffilmiau.

Dwi'n ymwybodol o IMDB, darllen adolygiadu ffilm ardderchog Barn, a gyda cywilydd na sylwais bod cymaint o adolygiadau ar Pictiwrs.com*. Dwi hefyd newydd ddarganod tag ffilm08 ar restr del.icio.us Nic, ond beth dwi'n chwilio am yw gwefan tebyg i Last.fm ar gyfer ffilmiau, oes un all rhywun argymell?

Os oes gyda chi awgrymiadau am ffilm, ac rydych yn defnyddio del.icio.us, gallwch ddanfon dolenni ataf drwy ddefnyddio'r tag 'for:rhyswynne'