Ail-wisgo
19.9.05
Prynnais fy trainers Diadora bron i ddwy flynedd yn ôl am £20 yn Brantano's. Does gynnai'm syniad ym mle cawsant eu gwnued nag o dan pa amodau, ond gallaf ddyfalu . Rhaid i mi ddweud eu bod yn hynod gyfforddus, ac er mod i'n eu gwisgo'n ddyddiol bron, tydyn nhw ddim yn drewi (llawer) ac maen't mewn cyflwr rhyfeddol o dda. Felly does dim rheswn gyda fi i brynnu rhai newydd.
Dwi wedi bod yn pendronni sut rai fyddwn yn ei brynnu pan aiff fy Diadoras bach brown i nefoedd y trianers (h.y. safle tirlenwi Lamby Way). Dwi'n benderfynnol o gael rhai sydd wedi eu gwneud gan gwmni sy'n parchu hawliau eu gweuthwyr a gobeithio sy'n garedig i'r amgylchedd, ac mae hyn yn cyfyngu fy newis yn sylweddol. Hyd yn hyn yr unig ddewis welwn i oedd rhai gan y Vegetarian Shoes, neu No Sweat. Nid oes yna lawer yna sy'n cymeryd fy ffansi, ond allwch chi ddim bod yn ffysi a bod yn foesol run pryd.
O ia, pwynt y post yma. Dyma ddolen at trainers Wron Again (gweler llun uchod). Mae nhw wedi eu gwnud o hen siwtiau dynion a darnau o parasiwt! Mae nifer cyfyngedig o 2,000 yn cael eu gwnud, a gan fod patrymau ar y gwahanol siwtiau yn mynd i amrywio, ni fydd dim dau bar yr un fath.
Diolch i City Hippy
Tagiau Technorati: Siopa Teg, Ailgylchu
