Gwenu dan Fysiau

Daeth fy rhieni draw i aros am y penwythnos, felly rhaid oedd eu diddannu. Fe aethom i Benarth ddoe ar ôl bod weld Morglawdd Bae Caerdydd. Er ei fod yn agos iawn i Gaerdydd, tydw i ddim yn gyfarwydd iawn â Phenarth, ac ond wedi bod yno ddwywaith i Oriel Turner ac i briodas ffrind o gwrs Cymraeg Sarah.

Roedd mam wedi gweld eitem ar S4C oedd yn sôn am yffaith bod siop Aml Adran Dan Evans yn y Barri a Phenarth yn mynd i gau, ar ôl bod ar agor am 100 mlynedd. Mae'n drueni ei bod yn cau, gan mai prin iawn yw busnesau mawr fel hyn sy'n berchen i Gymru Cymraeg yn y de ddwyrain.

Yn anffodus doedd y siop ddim ar agor ar y Sul ond aethom i Oriel Washington am rhywbeth i fwyta. Roedd y coffi bychan ar lawr gwaelod yr oriel yn brysur iawn a roedd yn hawdd gweld pam gyda bwydlen digon diddorol o byr brydau blasus. Sylwais bod yna siaradwyr Cymraeg eraill yn bwyta yno ar dri o'r byrddau eraill, rhywbeth a wnaeth fy synnu. Hefyd cefais fy synnu ar gymaint o arwyddion dwyiethog oedd ar y siopau ar y stryd fawr, a nid ar y siopau cangen yn unig.

Ar ôl bwyta es i a'm rhieni o amgylch yr oriel, a fel mae'n digwydd roedd yna arddangosfa gan artist o Ddinbych sef Huw Jones, gyda'i gasgliad 'Chwyn' yn yr orial uchaf (gweler llun uchod). Yn yr oriel isaf roedd arddangosfa gan artist o'r enw Brian Watkins o Gaerdydd (gweler llun isod).