Gwenu dan Fysiau

Neithiwr dyma fi'n mentro draw i Shot in the Dark i gyfarfod South Wales Linux Users Group(SWLUG neu LUG). Rwyf wedi bod yn ymwybodol o feddalwedd rhydd/Linux ers dros flwyddyn gan fod llawer ar maes-e yn dallt y dalltin's gyda'r cyfrifiaduron, ond dwi erioed wedi gwneud dim am y peth oni bai am ymweld a gwefan Meddal a meddwl "ww, byddwn i'n hoffi cael popeth yn Gymraeg ar fy Mhenfwrdd (Desktop)".
Es i yno i wybod mwy am Feddawledd Rhydd ac hefyd i weld os fyddai un o'u haelodau gyda diddordeb dod i siarad ma Feddalwedd Rhydd yng nghyfarfod Busnes Brecwast nesaf Menter Iaith Caerffili. Cefais fy synnu cymaint oedd yn siarad Cymraeg, 6-7 dwi'n meddwl, doeddwn heb fod i gaffi/tafarn yn Nghaerdydd gyda cymaint o siaradwyr Cymraeg a dim un yn athro, cyfryngu na gwas sifil!
Doeddwn ddim yn gwybod beth i'w ddisgwyl o'r noson i ddweud y gwir' ond roedd yn gyfarfod anffurfiol/cymdeithasol, gyda phawb yn gyfeillgar iawn ac yn amyneddgar yn egluro pethau i mi.Ymysg y rhai a gwrddais oedd Telsa, Gareth o gwnmi Diogel (sydd gobeithio am ddod i Ystrad Mynach i'n Brecwast Busnes) a Dafydd o gwmni Ubuntu (a oedd yn garedig iawn yn rhoi CD i mi). Es i adref wedyn ac mi osodais AbiWord ar fy nghyfrifadur. Roeddwn wrth fy modd.