Gwenu dan Fysiau

Dwi'n cytuno gyda Raiméis bod y canlynaidau canlynol i arolwg am y Wyddeleg ar wefan dwyieithog sy'n hysbysebu swyddi yn rhai calonogol. Dyma oedd ymatebion defnyddwyr Irishjobs.ie:

-88% wedi dysgu'r iaith yn yr ysgol

-O ran defnydd, roedd 40% yn ei ddefnyddio'n gymdeithasol, 36% yn y cartref, 28% yn y gwaith a 29% ar-lein. Yn anffodus doedd 39% ddim yn defnyddio'r iaith o gwbwl. Roedd 47% yn honni eu bod yn gallu cyfathrebu'n gyfforddus yn y iaith Wyddeleg.

- Yn arwyddocaol efallai, pan ofynwyd os dylai'r Wyddeleg fod yn orfodol mewn ysgolion dywedodd 59% y dylai fod yn orfodol, tra dim ond 26% ddywedodd na.

-O'r 321 a ymatebod, dim ond 10% a wnaeth yn Wyddeleg.

Gan fod y wefan yma'n unigryw fel gwefan sy'n hysbysebu swyddi'n ddwyieithog, gall fod y % sy'n gefnogol i'r iaith yn uwch na'r arfer, ac hefyd oherwydd mai pobl sy'n chwilio am swyddi yw'r rhain, efallai bod rhai'n ateb ychydig yn wahanol i sut fasent fel arfer rhag ofn eu bod yn cyfri yn eu herbyn rhywsut lawr y lein petai nhw eisiau mynd am swydd ble roedd y Wyddeleg yn orfodol.

Byddwn yn hoffi gweld arolwg tebyg yn cael ei wneud yma yng Nghymru at agweddau at a lefel defnydd yr iaith Gymraeg. Fel mae'n digwydd, mae'r cwmni sydd berchen Irishjobs.ie hefyd yn berchen ar wefan swyddi WelshJobs.com*, sgwn i os oes cynlluniau gyda nhw i holi ymgwiswyr swyddi yma felly.

*suddais fy nghalon braidd wrth weld hwn achos dwi wedi bod yn gweithio'n araf bach (rhy araf) ar wefan swyddi Cymraeg fy hunan.