Gwenu dan Fysiau

Mae gan bawb eu cyfrinachau. Neu’n hytrach, mae gan bawb ddau fath o gyfrinach. Y math cyntaf yw’r rhai na fedrir son amdanynt i neb, y pethau hynny y byddai erchyllterau lu yn digwydd o’u datgelu. Chewch chi ddim o’r rheina ar y blog hwn.

Mae’r ail fath o gyfrinach - y cyfrinachau agored - yn llawer mwy diddorol. Y rhain yw’r math o gyfrinachau medrwch chi eu rhannu. Y rhai sy’n sôn am y pethau sydd ddim yn gyfan gwbl gyhoeddus, ond eto na fyddai na ffrind na chytundeb yn cael eu colli o’u datgelu. Pethau fel yna y byddwn ni yn murmur amdanyn nhw fan hyn.

Y ni, gyda llaw, yw Uned Technolegau Iaith Canolfan Bedwyr, Prifysgol Cymru Bangor. Ni yw’r rhai sy’n datrys enwau lleoedd, sy’n safoni termau newydd, sy’n rhoi sialens i’r byd, sy’n cael cyfrifiaduron i siarad Cymraeg, ac sy’n creu campwaith a hanner (yn ôl eraill).

Mae gwthio’r Gymraeg i fannau lle na fu hi erioed o’r blaen yn hynod gyffrous (wel, rydyn ni o’r farn ei bod hi’n gyffrous ‘ta beth). Felly, gobeithio, bydd digon o furmur fan hyn. Yn y ffordd orau bosib, wrth gwrs.